Баянгол дүүргийн прокурорын газар нь Нийслэл Улаанбаатар хотын Засаг захиргааны зохион байгуулалтыг шинэчлэн район байгуулагдахад Ардын Их Хурлын Тэргүүлэгчдийн 1965 оны 8 дугаар сарын 11-ний өдрийн 178 дугаар зарлигаар  Октябрийн районы прокурорын газар нэртэйгээр анх байгуулагджээ.

1965 оны 8 дугаар сарын 22-ны өдрөөс районы прокурор 1, шүүн таслах ажиллагаанд хяналт тавих туслах прокурор 1, цагдан сэргийлэх албадын үйл ажиллагаанд хяналт тавих туслах прокурор 1, нарийн бичгийн дарга гэсэн 4 орон тоотойгоор үйл ажиллагаа явуулж эхэлсэн түүхтэй.

Улаанбаатар хотын дүүргүүдийн засаг, захиргааны байгууллагуудын ажлын ачааллыг жигдлэх, үйлдвэрлэл, үйлчилгээний хэт төвлөрлийг сааруулах зорилгоор УИХ-ын 1992 оны 08 дугаар сарын 18-ны өдрийн “Улаанбаатар хотын район, хороог татан буулгах, шинээр байгуулах тухай “ 18 тоот тогтоол гарч Октябрийн районыг хоёр хуваан Баянгол, Сонгинохайрхан дүүрэг болгон шинээр зохион байгуулагдаж байсан түүхтэй.

Өдгөө тус дүүргийн прокурорын газар нь 63 прокурор, ажилтны орон тоотой ажиллаж байна.